Lanati

Pli-souvan-ki-rarman

Nou ka palé dè lanati

É nou ka obliyé nou osi nou adan lanati

Lanati pa bizwen ayen pou yé dòt ki lanati

Sé lanati ka fè lanati viv

Kidonk nou bizwen lanati pou nou viv

Nou pa bizwen dòt ki sa lanati ka ban nou pou plen vant an nou

Nou vlé lasanté, sé adan lanati i yé

Nou vlé lapé an kè, pa ni pi bon biten ki lyanné toujou plis avè lanati pou ni’y

Nou vlé kontantman san fen an vi an nou, anni gadé bèlté a lanati é nou asiré touvé’y

Bennyé adan solèy

Dansé anlè mizik a lanmè

Médité avè son a van ka pasé an fèy a pyébwa

Lévé chak maten avè sigré zozyo ka vin rakonté

Mi bèl biten fout !

Avè lanati

Bondyé ban nou tou sa nou bizwen pou nou viv

Nou bizwen lanati

Kon lanati bizwen nou

Nou adan lanati

La,

Sé yonn-a-lòt ka menné

Davwa

Lanati pa bizwen ayen pou i viv dòt ki lanati

 

Syanséka

Texte paru dans An kè ! (2014)